Diasabra madruga un patruya atento a nota 2 persona sospechoso den un auto banda di casnan di pueblo na Noord, mesora a duna señal pa nan para pero e sospechosonan a primi trot y purba huy. Polis a bay nan tras den un persecucion pero ora e auto sospechoso a paga su lusnan polis a perde for di bista. E pasahero a baha for di auto y a core drenta e mondi di Monserat. Mas patruya a bin purba yuda busca y tabata para tur autonan den e area y controla pero no a logra topa e sospechosonan.