Diaranson mainta a drenta informe di cu un auto lo a pega na candela banda di e sucursal di Elmar na Sanicolas, mesora a dirigi tanto polis como bombero na e sitio. Na yegada di e patruya a bin haya e Nissan Tiida su motor completamente na candela y un security purbando di paga e candela cu un extinguidor. Net na e momentonan ey a yega un unidad bomberil cual a haya problema (di costumber cu e pomp no kier traha) y a pidi e tankwagen presenta pero un rato despues a logra start e pomp y a logra paga full e candela.