Dialuna anochi a drenta informe di un accidente unda un motociclista a dal un palo di lus na Kurimiauw, mesora a dirigi un patruya na e sitio. Na caminda pa e sitio a drenta informe cu e motociclista a lanta su motorcycle y cana bay cun’e pa su cas un poco mas pariba. Na yegada di e patruya a bin compronde cu e motociclista a tuma e birada mucho grandi y a dal e steundraad y esaki a ranca e palo di lus y ora e steundraad a kibra e palo di lus a bons bek y esaki a lanta te hasta un vloer di cement y e wayanan a baha riba un Mercedes Benz causando daño. Na e sitio e tata di e motociclista a sali bin bisa e patruya cu ta su yiu a causa e daño y full e bario a keda sin coriente. Afortunadamente e motociclista no a resulta herida.