Diamars anochi a drenta informe di un tiramento na Madiki. Mesora a manda tanto polis como ambulans na e sitio. Na yegada di e patruya a encontra un dama sangrando y un pick up yen bala di skopet. A bin compronde cu un grupo di hende den Toyota Yaris Blanco a los tiro riba un gang cu tabata den e area. E gang mes a core bai y e Toyota Yaris tambe a huy. Na yegada di e ambulans nan no por a hasi nada mas pa e dama victima. Polis mesora a cuminsa un buskeda pa e auto Yaris Blanco.

—-Cuerpo Policial Informa—

DRIVE BY SHOOTING TA COBRA BIDA DI UN PERSONA

Diamars anochi pa mas o menos 22:55 central di polis ta wordo notifica di un drive by shooting na altura di ex United Dinner na Driemasterstraat. Un persona femenino mester ta tira abao y no ta reacionando.

Na yegada di polis ta pidi ambulance cu urgencia mirando e situacion di e victima.

Ambulance ta yega na e sitio y no por a haci nada mas pa e dama.
Pa 11:55 Dr Scholten ta constata morto di Nayibe Isabel Herrera naci 22 september 1991 (31 aña) na Aruba

Na e sitio a presenta departamento di rechereche, polis technico, slachtofferhulp y dokter forensico.

Na altura di Aruba Juniors a topa cu un Toyota Yaris para y cu lo ta envolucra den e caso aki.
E auto a wordo confisca pa mas investigacion.

Cuerpo Policial ta pidi esnan cu a wak algo of sa algo pa yama e tiplijn di polis 11141.

Cuerpo Policial ta manda palabra di condolencia na famia di e fayecido.