Diadomingo madruga a drenta informe di un problema cu ta bayendo for di man na Ponton, mesora a dirigi patruyanan na e sitio. Na yegada di e patruya a bin encontra un situacion cu tabata bayendo for di man unda un mucha muher menor di edad tabata na yoramento. Na e momento ey polis no por a saca afor kiko ta locual a pasa pero despues di un rato polis a compronde e situacion y a detene un homber. Na e sitio tabata tin un dama cu tabata stroba trabao di polis y tabata bruha e storia di locual a pasa. Na final ora polis tabata bayendo e mucha na yoramento tabata pidi polis pa bay cun’e for di e sitio ya cu e no kier keda mas eynan. Polis a dicidi pa hiba e mucha muher tambe na warda di polis y a avisa slachtofferhulp.