Diaranzon mainta a drenta informe di un accidente cu hende herida pariba di post di ambulans na Wayaca. Mesora a dirigi tanto polis como ambulans na e sitio. Na yegada di e patruya bin compronde cu ta trata aki di un accidente entre un Nissan Cube y un auto blanco unda ambos chauffeur ta indica cu nan tabata na e banda robes di caminda pasobra e caminda tabata sera na banda drechi y nan a accidenta. E impacto a pone cu e auto blanco a bolter. Na yegada di ambulans nan a atende cu e victimanan cu tabata levemente herida.