Despues di cu diasabra anochi hospital a nenga e adicto ambulante F. atencion medico y polis a yud’e cu algo di come y a hib’e na un otro sitio. Diadomingo merdia yamadanan a drenta di cu ta mira e mesun persona aki abao benta na Ponton, mesora a dirigi un patruya na e sitio. Na yegada di e patruya a topa cu F. y e polis a bay busca algo pa e come y a pidi ambulans p’e. Na yegada di e ambulans e paramediconan a nota cu e mester haya atencion medico avansa na hospital. A tarda un rato prome cu ambulans a hib’e pasobra mester haya OK di hospital pa trese na hospital. Por ultimo nan a laga ambulans trese na hospital. Nos ta spera e haya yudansa y recupera pronto.