Diadomingo madruga a drenta informe di un accidente cu hende herida na Pavia. Mesora a dirigi tanto polis como ambulans na e sitio. Na yegada di e patruya a bin compronde cu un dama chauffeur di un Toyota Vitz lo a baha caminda, dal den un cura y door di e impacto e auto a bira 180° y a bai para poco mas pabao di e caminda. Na yegada di e ambulans nan a atende e victima cu tabata tin hopi dolor na cara y na su kaak.
