Diabierna merdia a drenta informe di un accidente cu hende herida na Piedra Plat. Mesora a dirigi tanto polis como ambulans na e sitio. Na yegada di e patruya a bin compronde cu chauffeur di un truck lo no a regula velocidad ni mantene distancia y a dal tras di un auto KIA. E impacto tabata asina fuerte cu e auto a draai bai otro banda di caminda. Na yegada di e ambulans nan a atende e victima.
