Diadomingo madruga a drenta informe di cu tin un auto sospechoso para dilanti Tin Wei na Rooi Santo, mesora a dirigi un patruya na e sitio. Na yegada di e patruya a bin encontra un persona drumi tras di stuur, polis a lanta e chauffeur y esaki a lanta masha trankil y a pidi polis dispensa pasobra e tabata tin hopi soño y no por a sigui stuur. Polis a admira su calma y sinceridad y a ofrece un lift pa su cas lagando su auto eydilanti. E chauffeur a acepta y a gradici polis pa e gesto.