Diasabra merdia a drenta informe di un accidente cu hende herida na Sero Blanco, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre un Nissan Cube cu tabata bini for di Bo Wah Supermarket y a bay bira na man robes dilanti un Mitsubishi Outlander sin dune preferencia biniendo for di Cayena Mall. E impacto tabata fuerte te cu e impacto a desvia ambos auto unda e Nissan Cube a bay dal riba cura di un cas y destrui e porta di garashi tambe. Debi na e impacto tanto un dama na estado como tambe un homber a resulta herida. Na yegada di e ambulans nan a atende e victimanan y a transporta nan pa hospital.