Diabierna merdia a drenta informe di un incidente unda un palo di lus cu transformer riba dje a bin abao causando daño na 2 vehiculo pasando, mesora a dirigi patruyanan na e sitio pa sera e caminda. Na yegada di e patruya a bin compronde cu aki 2 vehiculo a ricibi daño debi na e wayanan cu a cay riba caminda tambe. Polis a sera ambos banda di caminda mientras Elmar a presenta rapidamente pa repara y re-establece e coriente pa algun lugar cu a perde coriente.