For di oktober 2022 pa juni 2023 YAMO project di Stichting Educacion Digital Arubano a termina cu graduacion di e di dos grupo. Tabata tin un grupo regular y un grupo di film. Awe tambe tabata e estreno di e pelicula di un script di dos studiante di SEDA cu instructor Angel Soto. Nos tabata envivo cu Alemania ora a hasi e estreno aki na EPI den lokaal AT05, cual ta un lokaal di expressie. E film lo wordo manda pa competi den festival na Europa. Un danki na EPI pa e samenwerking y CEDE Aruba cu a kere den proyecto Young Adults Moving On cu ta duna oportunidad na hoben nan di haya enseñansa parti merdia di 2:30-4:30 cu docentenan cu tin curason grandi y cu tambe a forma parti den e 8 materianan cual a sigui prepara hobennan cu nan por yega bek den un school regular bek. No laga ningun hoben atras den enseñansa ta nos tur hunto ta logre. Jessica Semeleer cu ta voorzitter di SEDA a yama tur studiante pabien y cu e ta contento cu SEDA por duna aporte na comunidad di Aruba engeneral pa por sigui studia. E famia aki a keda hopi contento, famia YAMO di SEDA.