A.T.A. ta analisa gasto di turistanan continuamente. Ta ricibi e cifra di “Tourism Receipts” di Banco Central, pero banda di esaki ta tambe midi esaki via transaccionnan cu tarhetananVisa y Master Card bou di bishitantenan, durante nan estadia. Ambos pa turistanan stay-over y esnan cu ta bishita cu barco crucero ta midi esaki pa medio di exit surveys tambe. Pues prome cu Banco Central publica resultadonan pa cu “Tourism Receipts”, ya A.T.A. ta na altura di e tendencia pa cupatronchi di gasto di bishitantenan e impacto economico. Asina por bisa tambe cu A.T.A. ta midi e.o. e “HouseholdIncome” tambe di esnan cu ta bishita for di Merca y por midisi ta atrae esnan desea.  

 

Enfocando riba data di tarhetanan Visa, e Visa Destination Insights taraporta e benta di volumen y cantidad di personanan cu ta haci uzo di nan tarheta internacional di Visa mientras cu nan ta di bishita naAruba. E data ta bin for di VisaNet cu ta contene tur transaccion cu tatuma luga uzando tarhetanan di marca Visa. Esaki ta incluitransaccion di credito, debito, pre-pago (pre-paid), transaccionnancomercial y di negoshi chikito, como tambe transaccionnan di ATM den forma di retira efectivo via Visa.

E data ta wordo selecciona segun e siguiente criteria: e tarheta di Visa a wordo emiti pa un banco internacional y e transaccion a tuma lugana Aruba durante -den e caso aki– e prome kwartaal di 2023 den un forma fisico. Den otro palabra, bishitantenan tawata fisicamentepresente na nos isla durante cu e transaccion a tuma luga.

 

Aumento den prome kwartaal
Algun punto clave pa tuma nota den prome kwartaal di 2023 ta: Turistanan a gasta $155 miyon dollar na Aruba, cu ta indica un crecemento di 29.1% compara cu e aña anterior. Ademas a nota un crecemento di 42.1% den cantidad di persona cu un tarheta di Visa compara cu e aña anterior. E cantidad di transaccion tambe a conoceun crecemento di 32.7% compara cu Q1 di 2022. Durante e promekwartaal di 2023, un suma di US $16 miyon a wordo retira den efectivo cu e tipo di tarheta aki.

 

Patronchi di gasto di cada usuario ta sigui halto y tanormalisando, despues di pandemia

E averahe mensual den gasto pa cada cardholder a fluctua durante eultimo 12 luna, pero a yega na un suma maximo di US $639 nafebruari 2023. E suma di benta a crece continuamente for di oktober2022, confirmando un tendencia positivo. 

 

E mercado cu a gasta mas na Aruba den Q1 di 2023 tawata esunMericano cu un crecemento di 24.7% compara cu e mesun periodo den 2022, mientras cu Brazil a logra e crecemento mas fuerte compara cu Q1 2022 cu 106.1%.

Si tira un bista riba e diferente categorianan di gasto y transaccion, mester menciona cu loke mas nan a gasta riba dje ta Restaurant y Comemento sigui pa ‘Retail’, Hotel y Acomodacion. E sector di Acomodacion a mustra un tendencia di crecemento na Q1 di 2023. E gasto average di cada usuario a wordo registra na $936 dollar, e suma di mas halto registra desde Q4 di 2021. 

 

A.T.A. lo sigui analisa e datonan aki di cerca, mientras ta sigui trahaduro riba desaroyo di e producto turistico cu tambe ta contribui na un aumento di gasto di bishitantenan riba nos isla.