E actividad tabata mustra cu lo mester a cancela, pero cu determinacion y confiando den e website di tempo y den nos Dios a dicidi di sigui cu e activdad.

Di 6:30-6:50 tabata delibera cu esnan presente y a dicidi actividad ta sigui.
Tur studiantenan tabata tey y a hasi preparacion y tabata cla pa 7:30 di mainta pa atende cu e participantenan. Pa 8:15 di mainta a registra pa run y walk. No tabata tin grupo. A participa tanto studiantenan, ex studiantenan, docente di EPI y nos comunidad Arubano cu ta hasi actividad fisico.

Pa 8:15 e tempo a habri y a sali un tiki solo, por bisa un bon weer pa e mainta aki, pues fresco. Polis tabata tey pa acompaña e coredornan y esnan cu ta cana.
Pa exactamente 8:30 di mainta a start cu e promer grupo di RUN y di biaha su tras esnan cu a cana of core 5 KM. Polis tabata tey pa brinda e seguridad di participantenan y algun hurado rond tabata controla rond si tur cos tabata cana bon. Den Venusstraat na altura di Gate 3 tabata e start y finish.
Pa exactamente 20.10 minuut a drenta e coredor ganador cu ta Camilo Lopez (ex studiante di EPI) cu ta un deportista den coremento. Pa e categoria di canamento e ganador a resulta ta un empate, pues nan a pasa e liña parew ta Zoraida Godoy y Geraldine Albertsz y esey den mas of menos 61 minuut.

Directora general EPI sra. Ankie Danker tambe a cana e ruta y por tabata presente pa duna e premionan na e ganadornan cu tabata 200 florin cash pa e promer premio. Pa loke ta e premio di grupo esey a keda aden y ta bay pa e meta di e actividad cu ta mitar plaka ta pa yega na e instrumentonan di brassband EPI breed y mitar ta bay pa e social fonds di EPI mes. Studentenraad S&S no a yega e meta, pero asina aña escolar nobo habri tur e unitnan lo uni y lo sigui traha pa e meta comun aki.

Un danki ta bay pa tur miembro di prensa cu a presenta pa cubri e conferencia di prensa y radio station nan cu nan DJ. Muy en particular danki na e sponsornan di e evento cu ta Setar NV, Banco di Caribe NV, ArubaBank NV, Superfood NV, Awe24.com, Nagico y Meneer Gomes, prensa y radio station nan di Aruba, IBISA cu a guia y crea e ruta, Polis y docentenan EPI unit Salubridad y Servicio y tur hende cu a cumpra kaarchi pero a hasi na un donacion pa e bunita causa di studiantenan. Esnan cu a participa pa nan esfuerso pa tey presente y meneer Bart Kool cu a bisa cu e topa otro anja 24 juni 2024 atrobe cu un ruta den su opinion tabata un bon y dushi ruta pa core. Studiante Julissa Arends, PR di studentenraad hunto cu guia di IBISA pa e ruta, cu a zorg pa tur e parti organisatorio y studiantenan di Salubridad y Servicio cu tabata presente na e evento Treshka, Michelline, Julissa, Jonathan, Ariana, Jiany, Niloushka, Rayslenne, Xayanara, Joslenny y Gabriela.

Studentenraad unit S&S ta e bos di studiantenan di EPI di e unit. Nan ta reuni pa traha na e bon causa comun pa studiantenan di studiantenan y pa e bienestar general di nos comunidad Arubano.