Dialuna atardi a drenta informe di un accidente cu hende herida na Pos Chikito, mesora a dirigi tanto polis como ambulans na e sitio. Na yegada di e patruya a bin compronde cu e auto saliendo for di caminda di tera a pone e auto slip y algo a tira den e auto mandando e auto na man drechi y a bay dal riba muraya di cas. E impacto tabata fuerte y tanto e chauffeur como e pasahero a resulta herida. Na yegada di e ambulans nan a atende e victimanan y a transporta nan pa hospital.