E accion ta casi na final. Day 4 di cobramento di debe di boet.

Awe e dos ploegnan di CEA no a detene ningun hende. Nan a bishita un total di 37 cas pabao y pariba di brug.

E posibilidad pa paga tambe na Warda di San Nicolas tabata algo nobo cu a introduci pa e siman aki so. OM a pone 1 colega na SN te 12’or di merdia y a ripara cu clientenan a haci bon uso di dje. Mañan ta ultimo dia cu por paga na San Nicolas! OM aki na Rumbastraat tambe lo ta habri te 12.

Mañan ta rond af y e ora mi ta spera di por duna boso tambe e ultimo update di e accion aki.