Dialuna mainta a drenta informe di cu un boto illegal lo a yega na Vader Piet. Mesora a dirigi tanto polis, ambulans, brandweer, coast guard, security di Parke Arikok y helicopter na e sitio. Na yegada a topa cu 3 persona illegal. Polis a detene nan. Tambe a encontra varios bulto di droga. A compronde cu lo tabata tin tres persona mas pero desafortunadamente e personanan a fayece.
Dos persona a hoga drentando costa patras di Vader Piet, tres otro illegal a keda deteni pa polis. pic.twitter.com/2vQfEtb6JA
— awe24.com (@AWE24) June 12, 2023
——CUERPO POLICIAL ARUBA TA INFORMA—-
AUTORIDAD A RESCATA TRES PERSONA.
Den bon coordinacion cu otro departamentoban a logra rescata 3 persona. 2 persona nan curpa tambe a ser saca for di costa. Alabez autoridad ta haya basta purun di droga y tur a wordo confisca.
Tabata awe mainta pa 08:15am cu personal di Fundacion Parke Nacional Aruba a bati alarma na Central di Polis cu un hende homber cu ta papia spaño a yega na un trahado di nan bisando cu madruga ela drenta Aruba ilegal y cu 2 di su compañeronan ta mal pega bou baranca.
Mesora Central di Polis a cuminsa manda patruya, brandweer, personal di kustwacht y ambulans na e sitio. Na e sitio enberdad patruya ta informa cu nan ta wak dos hende homber bou di e baranca pero cu e situacion di e lama ta hopi malo y dificil pa nan mes rescata nan.
Personal di helicopter di Cuerpo Policial a logra maniobra y saca e dos hombernan aki. Mesora e personal di helicopter a sigi busca y un poco mas panort ta wak 2 curpa sin bida ta drief y basta purun preto.
Pa e helicopter di polis tawata practicamente imposibel pa sacanan. Mesora personal di bombero den bon coordinacion ta logra baha y saca e dus curpanan sin bida plus e purun cu probablemente tin droga aden.
Bo por bisa den un bon coordinacion a usa tambe e helicopter di Kustwacht pa keda monitor e situacion for di lama.
E 3 personan a wordo trata door di personal di ambulans y despues di tratamento nan a wordo deteni y hiba warda pendiente mas investigacion.
E purun nan tambe a wordo confisca y lo habrinan pa haci e testnan necesario pa wak ki sorto di droga tin den nan.
Cuerpo Policial y awe24.com ta manda palabra di profundo condolencia na famia di e fayecido.
