Diasabra merdia a drenta informe di un ladronicia di auto na Driemasterstraat un rato despues a drenta un otro informe di cu un auto a dal un otro auto y e vehiculo cu a dal e ta subiendo E.J. “Watty” Vos blvd. na e rotonde Ponton bayendo pariba despues di esey a drenta informe di cu un auto accidenta riba E.J. “Watty” Vos blvd. pabao di e rotonde banda di Acero na Tanki leendert, mesora a dirigi patruyanan na Driemasterstraat y na Tanki Leendert. Na yegada di e patruya na Driemasterstraat un dama ta conta polis cu ela yega na e supermercado eynan na Driemasterstraat y a baha bay paden entretanto un persona a subi e auto di e dama y a core bay cu esaki. E otro patruya na su yegada na Tanki Leendert a bin ripara cu aki ta trata di un Mitsubishi Lancer cual ta cuadra cu e auto cu a ser horta for di Driemasterstraat. Na e sitio tin un testigo a bisa cu e Lancer ey a dal e den banda y a sigui core. Ela bay tras di e auto y siguie na un distancia

y djey ela mira e auto ey dal e median subi riba dje, dal un palo di lus kibra pasa bay pa e otro banda di caminda subi acera kedando na werki banda di caminda. E testigo a mira e chauffeur core sali bay na pia lagando e auto destrosa atras. Polis a haya e descripcion di e chauffeur cu a core y polisnan a busca den e area pero no a logra haya e sospechoso.