Diasabra mainta a drenta informe di un accidente unda un auto lo a dal un palo di lus na Cashero, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu un dama chauffeur coriendo cu velocidad halto a baha caminda na man drechi ranca un palo di sosten di palo di lus baha den rooi y drenta mondi. E dama chauffeur a baha for di e auto y a cana bay for di e sitio. Un rato despues a yega un auto cu 3 dama di cual un di nan a bisa cu e tabata na stuur pero aparentemente esun cu tabata na e stuur tabata e otro dama cu no a baha for di e auto cu a yega pero polis no por a confirma ken tabata na stuur.