Diaranson mainta a drenta informe di un accidente cu hende herida banda di Mundo Nobo na Santa Cruz, mesora a dirigi tanto polis como ambulans na e sitio. Na yegada di e patruya a bin haya ambulans caba na e sitio y a bin compronde cu aki ta trata di un incidente unda un brommer su so cu so a dal abao. E motociclista tabata tambe cu un mucha como pasahero riba e brommer y ambos a resulta herida. E personal di ambulans a atende e heridonan na e sitio y a transporta ambos levemente herida pa hospital.