MACUARIMA, ARUBA: Recientemente studiantenan di di klas-2019 a forma parti di e curso di Stress Kleine Groepsoptreden (SKGO). Esaki den cuadro di nan estudio policial nan mester a pasa den un ehercisio pisa pa con pa atende cu stress den diferente situacionnan.

Despues di 4 aña di estudio policial e ta un di e ehercisio nan cu nan mester pasa den dje prome cu nan finalisa nan estudio. E SKGO-training ta uno di sumo importancia pa e coleganan. Durante e curso aki nos polisnan a haya un parti hopi importante pa cu e desaroyo professional den nan trayectoria. Durante e curso nos agentenan a haya diferente tecnica con pa siña baha e stress, tambe e parti mehora e comunicacion y traha hunto den cooperacion.

E training aki a dura dos siman y tabata ser duna pa docentenan di Scol di Polis E.J. Watty Vos. E trainingnan a tuma lugar den bon cooperacion cu otro na Mariniers Kazerne Savaneta.

Dos siman di hopi disciplina y stress pero e studiantenan a termina esaki cu éxito! Asina tambe nan a finalisa nan estudio policial cu exito y lo ta bon prepara pa duna servicio riba un calidad halto.

Na final di e training altocomisario di Polis drs. Ramon Arnhem conhuntamente cu e docentenan di Scol di Polis E.J. Watty Vos, studiantenan di klas 2021 y Cuerpo di Bombero a yama estudiantenan di klas 2019 un caluroso bon bini despues di a core mas cu 5km y a felicita nan pa finalisa e curso cu exito!

Asina tambe nan a finalisa nan estudio policial cu exito y lo ta bon prepara pa duna servicio riba un calidad halto.