Clientenan di Serlimar warda boso recibonan bon, principalmente e bon pagadornan pa SERLIMAR NO HORTA BO PLACA. Un bon cliente un señora di edad a paga dia 23 di January 2023 e suma di 456 Florin pa full aña 2023. (Documento A)

Riba 28 di Maart 2023 despues cu Minister Ursell Arends a anuncia e subida di prijs pa recoge sushi e mesun bon cliente aki a bay paga e diferencia di e aumento. (Documento B)

Riba 15 di April 2023 Serlimar ta manda cobra e mesun bon cliente aki (bon pagado y adelanta y pa full e aña paga caba) ta haya un cobransa di 114 Florin pa e prome 3 lunanan di aña 2023 y Serlimar ta tribi pone ultimo fecha pa paga esaki 15 di Mei 2023. (Documento C)

Pa colmo 15 di mei 2023 Serlimar ta manda cobra e mesun bon cliente aki (bon pagado y adelanta y pa full e aña paga caba) ta bolbe haya otro cobransa di 41 Florin pa luna di Mei cual e mester paga prome cu 15 di Juni 2023. (Documento D)

Esaki ta ladronicia den dia cla, ya cu ta manda cobra cliente pa algo cu ela paga caba adelanta. Ta bon mes cube tin su pruebanan di pago bon warda, pero e sinberguensura ta cu ora a haya e cobransa di e prome 3 lunanan a yama avisa cu e ta paga full aña caba nan ta sigui manda recibo pa cobra clientenan. Ni pa respet nan no ta pone si acaso e suma ta paga caba no haci caso di e cobransa aki manera otro instancianan si ta haci.

Kiko lo pasa si e cliente no tin su prueba di pago haci adelanta of con ta para cu e hendenan cu nan ta manda cobra y nan inocentemente ta bolbe paga e cobransa. SERLIMAR LO TA PURBANDO HORTA PLACA DI PUEBLO?