Diadomingo madruga ora cu polisnan tabata prepara pa e KLM Loop nan a ser acerca pa un persona cu a bisa nan cu tin un homber pata pata drumi riba e banki di un di e abri’snan na e bushalte banda di e rotonde na Alhambra, mesora a dirigi un patruya na e sitio . Na yegada di e patruya a topa cu e persona y como cu Rode Kruis tabata pasando eybanda nan a baha control’e. Pa su mesun bon y di otronan polis a hiba e homber na su cas na Tanki Leendert.
