Diasabra mainta a drenta informe di un caso di destruccion na Dakota, mesora a dirigi un patruya na e sitio. Na yegada di e patruya a bin constata un caso di destruccion na un auto unda un desconocido a destrui casi tur e glasnan di un auto. E doño di e auto cu e sa e no tin problema cu ningun hende pero asina mes a destrui y causa daño na su auto. Kizas lo por ta un otro persona cu lo por tabata bao influencia di un of otro substancia y cu rabia a baha esaki na e prome vehiculo cu ela topa. Pa suerte tin camara si seguridad cu a capta imagen di locual a sosode y nan lo pone esakinan riba un memory stick y lo entrega esaki na recherche pasobra e gasto aki ta caro! E caso di destruccion aki a sosode alrededor di 1’or di madruga.