Dialuna madruga a drenta informe di un accidente cu hende herida panort di e rotonde banda di Superfood, mesora a dirigi tanto polis como ambulans na e sitio. Na yegada di e patruya a bin compronde cu 2 persona riba Sasakiweg den un Nissan Versa cual e chauffeur a pega soño yegando e rotonde cu velocidad halto for di Palm Beach diripiente ela lanta primi brake kita bay dal riba un mata di kwihi. E impacto tabata asina fuerte te cu e airbag a deploy. E pasahero sinta na banda a scapa pero e chauffeur si a resulta herida cu un sla na cabes. Na yegada di e ambulans nan a atende e victima y a transporte pa hospital mientras e pasahero a tuma un taxi pa regresa su hotel.