Diadomingo anochi a drenta informe di un accidente cu hende herida na Washington, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Nissan Sentra a perde control na un birada y a baha caminda dal un Mitsubishi Lancer staciona pusha esaki riba un cura di waya y e Sentra a sigui bay dal fuertemente contra un pilar. E impacto fuerte aki a laga e chauffeur herida cu sla na cabes y na su pecho door di e faha. Na yegada di e ambulans nan a atende e victima y a transporte pa hospital.