Diadomingo anochi a drenta informe di un accidente cu hende herida pariba di Ruiz Take Away, mesora a dirigi tanto polis como ambulans na e sitio. Na yegada di e patruya a bin compronde cu aki ta traya di un accidente semi-frontal unda e chauffeur di e Toyota Glanza bayendo pariba a bay mucho na su banda robes y a dal semi-frontal riba un Kia Sportage di direccion contrario e impacto tabata fuerte y ambos chauffeur a resulta herida. Na yegada di e ambulansnan nan a atende e victimanan. Polis a detene e chauffeur di e Glanza ya cu e tabata bao influencia.