ORANJESTAD: Diabierna mainta, Minister Endy Croes hunto cu colega Minister Dangui Oduber a bishita Colegio Bon Bini, cu ta un di e scolnan cu ta participando den e programa di Scol Saludabel. Minister Dangui Oduber y Minister Endy Croes a combersa cu e alumonan y a splica di e importancia di come saludabel.Ta importante pa un mucha tin suficiente energia durante dia pa por concentra na scol y sintisu mes contento. Scol Saludabel ta un proyecto cu ta forma parti di e Plan Nacional di Prevencion contra malesanan no transmitibel pa conscientisa, informa y educa comunidad pa hiba un bida saludabel y e importancia pa practica deporte. Ministerio di Salud y Ministerio di Enseñansa y Deporte tapromove e proyecto aki. Durante e mainta informativo,Minister Dangui Oduber a elabora riba e parti di salud y comemento y Minister Endy Croes a enfatisa ribacombinacion di deporte y come saludabel.

E muchanan a pone hopi atencion na ambos presentacion, na final e alumnonan a ricibi un foyeto y fruta di Minister Endy Croes y Minister Dangui Oduber. Concluyendo, Minister Endy Croes a indica cu esaki ta e prome scol cu ta bishita y den transcurso di e simannan nos dilanti lo bishita diferentescol pa hiba e mensahe pa come saludabel y e importancia pa haci actividad fisico.