Diadomingo anochi a drenta informe di un accidente “hit and run” na Tanki Leendert y e chauffeur a sigui core bay direccion pariba. E otro auto cu ela dal a siguie tambe, mesora a dirigi patruya den e direccion ey. Nan a logra para e auto na Pavia y eynan nan a atende cun’e. Polis a bin compronde cu ki ta trata di un accidente hit and run unda e chauffeur aki a kere cu e lo a scapa pero un di e autonan cu el a dal den dje a sigui’e. Te den Pavia Coutry Club a logra par’e. Mesora Polis a yega. E homber tabata stuur un Toyota Yaris color berde, el a para net dilanti Pavia 131, caminda su amigo ta biba. E mester a trece algo pa e amigo. E amigo a sali pafo y a topa cu Polis y su amigo deteni. E tabata bou influencia di alcohol. E victima tabata maneha un Toyota Rav4 color blauw. Polis a tuma dato y a transporta e homber deteni pa Warda, caminda cu e lo tin di duna cuenta pa su acto dilanti un fiscal auxiliar.
