Diadomingo madruga a drenta informe di un accidente cu hende herida y pega den auto na Sabana Liber, mesora a dirigi tanto polis, ambulans como tambe e equipo di rescate di bombero. Na yegada di e patruya a bin compronde cu aki ta trata di un accidente unda cu e chauffeur di un Nissan Cube na e birada di Sabana Liber a topa cu un pick-up memey caminda y a bay desvia p’e y a perde control bay dal riba un mata. E impacto tabata fuerte y e chauffeur a manera keda pega den e auto. Na yegada di e ambulans a cuminsa atende e chauffeur herida y a trata pa saca e victima via e porta patras. Na yegada di e equipo di rescate a yuda pa saca e victima pa asina ambulans transporta e victima pa hospital.