Diasabra atardi a drenta informe di un caso di joyriding (ladronicia di auto) na un supermercado na Madiki, mesora a dirigi un patruya na e sitio. Na yegada di e patruya a bin compronde cu aki ta trata di un caso unda un hende a bin haci shopping na e supermercado y ora ela sali ela mira cu su auto no tey y a bati alarma. Ta trata aki di un Hyundai Accent blanco. Segun testigonan un persona conosi cu problema di salud mental lo a bay cu e auto. Polis a bay rondia den e area pero un rato despues e auto a aparece dilanti Iglesia Maranatha na Madiki.