Diasabra atardi a drenta informe di cu tin un dama turista cu lo no ta duna señal di bida na un hotel na Palm Beach, mesora a dirigi tanto polis como ambulans na e sitio. Na yegada di e patruya a bin compronde cu ya ambulans a pidi pa un dokter. Na yegada di e dokter ya no por a haci nada otro cu constata cu e dama turista di 43 aña a fayece. Slachtofferhulp a ser avisa pa asina asisti famia y conocirnan na e momento dificila aki. Na famia di e fayecida nos ta extende nos mas sincero palabranan di condolencia na famia di e fayecida.