Diasabra mainta 6 di mei 2023, aproximadamente pa 06:30 am, e central di polis a recibi un yamada di cu tin un curpa ta drief na e beach di Guana-Bay.

Mesora a dirigi varios patruya na e sitio.

Na yegada di e patruyanan a nota e curpa di un muher cu tabata drief den lama. Reconociendo e gravedad di e situacion, a solicita asistencia di Guarda Costa cu urgencia, mesora nan a dirigi nan mes na e sitio pa brinda asistencia. Durante su operacion di buskeda y rescate, nan a descubri e curpa di un víctima femenino y varios articulo personal flotando cerca. Guarda Costa a recupera e curpa di e victima for di lama cu exito y a transporte rapidamente na e stacion di Guarda Costa na Simpson-Bay.

Inmediatamente a mobilisa recherche como tambe e investigadornan technico y forensyco pa inicia un investigacion riba e tragico hecho aki.

Mas despues den mainta central di polis na Sint Maarten, a ricibi otro yamada banda di 10:30 am cu tin un curpa masculino cu no ta duna señal di bida na e strand di Guana-Bay. Mesora a dirigi recherche como tambe e investigadornan technico y forensyco na e sitio como tambe e autoridadnan competente pa investiga.

E curpa di un victima masculino a ser localisa na e strand. A transporta e curpa pa funeraria local pa samin’e mas detalladamente.

Debi na el naturaleza delicado di e caso aki y e imperativo di respeta e privacidad y e dignidad di e victima y su familiarnan, te na e momentonan aki autoridad ta retene detayenan adicional.

E equipo di Crimennan Mayor di KPSM ta haci un yamada na cualkier persona cu a presencia algun actividad sospechoso of cu por tin informacion pertinente relaciona cu e eventonan na Guana-Bay Beach pa nan presenta y yuda cu e investigacion aki.