Diasabra atardi a drenta informe di un accidente cu hende herida banda di Citgo pompstation na L.G. Smith blvd., mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un turista chauffeur di un Hyundai Accent biniendo for di pabao no a tene na cuenta cu e stagnacion di trafico a bini cu velocidad y a bay dal tras di e Ford Fusion su dilanti y manda esaki bay dal tras di un Kia Grand Carnival. Debi na e impacto e dama chauffeur di e Fusion a resulta herida. Na yegada di e ambulans nan a atende e victima y a transporte pa hospital.