Dialuna mainta a drenta informe di un accidente cu hende herida na e rotonde banda di Superfood, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un Nissan March maneha pa un hulandes europeo bao influencia yegando e rotonde cu un velocidad hopi halto y a kita na man drechi pasa na banda drechi hera palo di lus, purba bay subi caminda bek ela dal e siguiente palo di lus y a bolter. Debi na e impacto aki tanto e chauffeur como e dama ocupante (ambos hulandes europeo) a resulta herida. Na yegada di e ambulans nan a atende ambos y na promer instante e chauffeur a nenga pero despues ela acepta bay cu ambulans mientras e dama mes levemente herida a keda na e sitio. Elmar a bini na e sitio pa haci e reparacionnan necesario na e palo di lus y e wayanan di coriente.