Diaranzon madruga net momento cu un patruya ta hiba un chauffeur sin rijbewijs su cas na caminda pa Santa Lucia poco pariba di e rotonde Paradera ta topa cu un accidente cu a sosode casi su dilanti unda un Nissan Skyline cu tabata drift a bay dal riba un palo di luz y keda seriamente herida y pa colmo pega den auto, mesora. Dirigi tanto mas patruya como tambe ambulans y e equipo di rescate pa corta e auto pa saca e victima. Na yegada di e ambulans nan a nota cu nan mes no por a saca e victima debi na con na werki e auto a keda y e situacion di e victima. Na yegada di e equipo di rescate di bombero a corta e vehiculo y a span e dashboard den cual e pia di e chauffeur tabata pega. Despues di e cortamento y e resto di trabao di rescate a logra saca e victima y transporte cu urgencia pa hospital.
Esey ta un les pa e manehador. No por core auto normal.