Diahuebs madruga a drenta informe di un accidente cu hende herida pariba di Ruiz Snack Truck na Tanki Leendert, mesora a dirigi tanto polis como ambulans na e sitio. Na yegada di e patruya a bin compronde cu un dama chauffeur sin rijbewijs coriendo un Nissan March RHD a bay banda robes di caminda bay dal semi frontal cu un Nissan Micra di direccion contrario. Ora polis a test e dama a bin resulta cu e ta bao influencia di alcohol y a detene pa stuur sin rijbewijs y ocasiona accidente cu hende herida. Na yegada di e ambulans nan a atende e victima y a transporte pa hospital. E vehiculo di transporte policial a hiba e dama deteni pa warda di polis unda un fiscal auxiliar a lague deteni.