[VIDEO] Lama bruto na Conchi a dal dama turista fuertemente contra baranca y a herid’e

Diadomingo atardi a drenta informe di un incidente cu hende herida na Conchi, mesora a dirigi tanto polis como ambulans pa entrada di Parke Arikok. Na yegada di e patruya na e parke a bin compronde cu un pareha turista americano disfrutando na Conchi na un dado momento un ola a dal e dama di 40 aña basta fuerte riba e baranca y a herid’e. Na e momentonan ey e Parkrangernan mes tabata treciendo e pareha na entrada di e parke pa asina ambulans tum’e over atende y transporte cu urgencia pa hospital.