Diamars atardi a drenta informe di un accidente cu hende herida na e crusada banda di Pricesmart na Sabana Berde, mesora a dirigi tanto polis como ambulans na e sitio. Na yegada di e patruya a bin conpronde cu aki ta trata di un accidente unda cu un Mazda X5 biniendo for di Avenida Milio Croes a subi e crusada net ora tabata bini un Hyundai Accent di pariba y a dal esaki mand’e bay dal frontal riba un otro Hyundai biniendo di pabao. E impacto tabata fuerte y dos persona a resulta herida. Na yegada di e ambulans nan a atende e victimanan y a transporta nan pa hospital.