Diamars atardi a drenta informe di un accidente entre auto y brommer dilanti Acropolis Plaza na Tanki Leendert, mesora a dirigi tanto polis como ambulans na e sitio. Na yegada di patruya na e sitio a bin compronde cu aki ta trata di un accidente unda un auto a bay bira nan man robez sin tene cuenta cu un motorcyclista cu tabata pasando e auto aki. E impacto a manda e motorcyclista cay den banda. Ambulans a presenta na e sitio y a atende cu e motorcyclista levemente herida na e sitio mes. Polis a tuma datos di e accidente aki.