Diahuebs merdia a drenta informe di un accidente cu hende herida na e rooi di Mahuma riba e caminda di santo di Wayaca Falls bay pariba, mesora a dirigi tanto polis como ambulans na e sitio. Ma yegada di e patruya a bin compronde cu e dama chauffeur di e Toyota Vitz coriendo cu velocidad halto riba e caminda di santo banda di Green Corridor a perde control den e bocht di santo. Den e proceso, e auto a bay dal den un tubo y cay den rooi. E auto a haya sla parti patras banda di pasahero. E chauffeur mes no a resulta herida. Pero asina mes e unidad di Rapid Responder di IMSan a presenta na sitio pa controla e dama y despues di un revision medico a constata cu e tabata bon.
