Diadomingo anochi a drenta informe di un accidente unda un chauffeur aparentemente burachi kier bandona e sitio di accidente na Avenida Alo Tromp, mesora a dirigi un patruya na e sitio. Na yegada di e patruya a bin compronde cu e chauffeur di e Mitsubishi Lancer A45628 tabata den un bar den cercania y eyden e tabata fastidia un dama cu no tabata haci caso di dje y ora e homber a sali ela reverse su auto raspa e auto di e dama y a core bay. Testigonan cu a wak esaki a bay su tras y a logra par’e den Kerkstraat. Polis a nota cu e homber chauffeur ta burachi y ora a bay test e chauffeur a bin constata cu e homber a supla hopi mas halto cu e limite permiti. Polis a detene e chauffeur pa a core auto bao influencia y a ocasiona un accidente.