Diamars atardi a drenta informe di un accidente cu hende herida na e rotonde chikito na Bubali, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un auto Kia cu tabata bini di nort no a para pa duna preferencia na un scooter cu tabata riba e rotonde biniendo di pariba y a dal e. Debi na e impacto e motociclista a resulta herida. Na yegada di e ambulans nan a atende e motociclista y a transporte pa hospital.
