Diasabra madruga a drenta informe di un accidente cu hende herida na Ponton, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un auto biniendo nort for di rotonde Ponton a bay bira pa para na un lugar cu ta bende cuminda na man robes,  pero a bira dilanti un brommer biniendo di nort biniendo zuid y e brommer a dal riba e auto y a bay cay poco mas leu. Debi na e fuerte impacto e motociclista a resulta herida. Na yegada di e ambulans nan a atende e motociclista pero a ripara cu e chauffeur di e auto tambe a bira malo y a pidi un otro ambulans p’e. Ambos herida a ser hiba hospital pa atencion medico.