Diadomingo merdia a drenta informe di un accidente cu hende herida riba E.J. “Watty” Vos Boulevard na altura di e brug na Meiveld, mesora a dirigi tanto polis como ambulans na e sitio. Na yegada di e patruya a bin compronde cu un chauffeur cu un auto di huur coriendo riba caminda bayendo direccion di airport cu velocidad halto a perde control na stuur subi e berm memey di e vianan dal un palo di lus te cu esaki a cay riba e auto y finalmente keda memey riba e berm cu e auto. E accidente aki a paralisa e trafico completo. E chauffeur a cay sinta banda di e auto y esnan cu a mira e situacion na momento cu el a baha, ya caba a cuminsa bisa cu e chauffeur tabata bao di influencia di alcohol. Ambulans na su yegada a control’e y no tabata herida. Polis di trafico a bay over na detencion di e chauffeur, ora cu a confirma cu e tabata bao di influencia di alcohol.
