Diaranson merdia a drenta informe di cu tin un Toyota Yaris blanco coriendo malisimo pero poco poco poniendo trafico na peliger na Tanki Leendert, mesora a dirigi patruyanan na e sitio. Poco pabao di e rotonde polis a purba pa para e auto pero na prome instante no a logra pero si a ripara cu e dama chauffeur tabata malo tras di stuur. Cu un poco mas insistencia a logra para e auto y ambulans cu pa casualidad tabata den cercania a para pa yuda atende e dama na stuur. E personal di ambulans a pone e dama den ambulans y polis a hala e auto pa trafico por a sigui.