Diabierna anochi a drenta informe di un accidente y un di e autonan a pega candela na rotonde Pos Chikito, mesora a dirigi patruya y bombero na e sitio. Na yegada di e patruya a nota cu ya caba e auto tabata full na candela pero e chauffeur a sali caba y tabata keha di dolor. Na yegada di bombero a combati y a paga e candela pero e auto a kima por completo. Polis a pidi presencia di ambulans pa controla e chauffeur. Locual a sosode ta cu e chauffeur coriendo cu velocidad halto a bay dal riba e blokkinan di e Green Corridor y despues di e impacto e auto a pega na candela. Na yegada di e ambulans nan a atende e victima.