Diaranson atardi autoridadnan na frontera a logra captura 2 persona (un pareha) cu tabata ser busca pa justicia relaciona cu un caso unda e team di polis pa atende cu puntonan di benta y produccion di droga tabata investigando. E team a tene e razzia algun dia pasa caba pero e sospechosonan ey  no tabata na Aruba, pero awor na su regreso ela ser captura y a detene. E oficialnan di e team mesora a presenta na airport pa asina tumanan over. Nan a solicita presencia di e vehiculo di transporte pa asina hibanan warda di polis na Shaba unda eynan nan lo ser interoga y procesa pa bay dilanti corte di justicia.