Diahuebs madruga a drenta informe di un accidente na e birada di Calabas, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda e chauffeur “Spirito” cu algun hoben mas den e auto Suzuki Swift a perde control den e bocht bay na man robes y di banda drechi ela bay dal un spandraad causando movecion na e palo di lus unda tur 3 waya di alto voltage a kita cay lagando Moko, Catiri, Paraguana, Soledad sin coriente. Afortunadamente ningun hende a resulta herida. Na un dado momento tabata tin confusion y gañamento di ken tabata na stuur hasta na un dado momento a papia di “spirito” lo tabata na stuur y a spanta core bay pero despues a aparece otro 2 persona bisando cu e chauffeur ta na caminda. Afortunadamente ningun hende a resulta herida ni e “spirito” tampoco.